Gwamnatin Najeriya ta dakatar da shafin Twitter a Najeriya

 

Gwamnatin Tarayya ta dakatar da ayyukan shafin zauren sada zumunta na Twitter a Najeriya.

Hakan na kunshe cikin wata sanarwa da Ministan Labarai da Al’adu na Kasar, Alhaji Lai Mohammed ya fitar a ranar Juma’a.

Sanarwar ta ce ana ribatar shafin na Twitter wajen kawo rabuwar kai a kasar nan.

Wannan mataki na zuwa ne kwanaki kadan bayan da shafin Twitter ya goge wani sakon gargadin ‘yan awaraen IPOB da Shugaba Muhammadu Buhari ya wallafa.